» » » » » أصول التدريب في سورية

#عبر_ودروس_مستفادة
زياد شعبو
بعام ٢٠٠٣ سافرت على بولندا للعلاج من أصابه بركبتي على نفقة نادي الجيش بتوجيه من شخصيه قياديه بالبلد وعشت فتره منيحه بالعاصمه البولنديه وارسو، عملت العمليه بالركبه وضليت فترة طويله للعلاج فكنت روح عجلسة العلاج الفيزيائي يوميا لمدة ساعه وباقي الوقت فاضي ماعندي شي فسألت عن مكان نادي ليغيا وارسو قلت بروح بحضر التمارين وبتسلى احسن من القعده صرت كل يوم روح واحضر تمرينون كان عندون مدرب صربي حاولت كتير أوصلو واحكي معو ماقدرت كنت بدي أسالو سؤال واحد أنو يبو عامل حالك مدرب وجايبينك من صربيا وانا ألي اسبوعين بحضرلك تمرينك ماشفت شي جديد ماعندك غير تمرينين تمرين استحواذ وتمرين تغطية المساحات انو تعال شوف عنا  المدرب بيزرع ارض الملعب بالاقماع وبيبلش عياط مامعروف شو هدف التمرين بس أنو كل يوم في تمرين شكل، صفنت بتمرينو لهالزلمه وقلت والله معو حق بكرة القدم في حالتين لا ثالث لهما الحاله الاولى هيي وقت بتكون الطابه معك  لازم يتعلمو لعيبتك كيف يستحوذو عالكرة
الحاله التانيه وقت بتكون الطابه مع الخصم  لازم  تعلم لعيبتك كيف يغطو  المساحات
لأن أهم شي بكرة القدم المساحاااات يلي بيستغلى بيسجل ويلي بيقدر يسكرا صعب يتسجل عليه.....
حالتين فقط: الكرة معك او الكرة مع الخصم اذا انت مدرب منيح حاول اتدرب لعيبتك على عالحالتين وبس حفظوهن منيح رح تكون عملت فريق مرتب.

عن المدون Mustafa Hamido

مدون و محرر من فريق الموقع
»
السابق
Older Post
«
التالي
Newer Post

No comments :

ترك الرد